مراٹھواڑہ بھر میں سردی کی شدید لہر ناندیڑ میں ۹ڈگری درجہ حرارت ریکارڈ

ناندیڑ: ۹؍دسمبر (نامہ نگار)ودربھ سمیت مراٹھواڑہ کے اضلاع میں مسلسل درجہ حرارت میں گراوٹ آرہی ہے ۔ سرما کے موسم میں دن بدن سردی بڑھتی جارہی ہے ۔ ناندیڑ میں گزشتہ کل اقل ترین درجہ حرات ۹ڈگری سیلسی اس ریکارڈ کیا گیا ۔ ہرسال دسمبرکے ماہ میں ناندیڑ ضلع میں سردی کی شدت میں اضافہ ہوتا ہے اور سرد لہریں چلتی ہیں ۔ ناندیڑ ضلع میں گزشتہ ہفتہ بھر سے مسلسل سردی میں اضافہ اور درجہ



حرات میں گراوٹ آرہی ہے ۔ بڑھتی ہوئی سردی کے مدنظر لوگ گرم ملبوسات پہن کر نکل رہے ہیں ۔ صبح کے وقت ہلکا سا کہرا چھارہا ہے ۔ سردی میں اضافے کے سبب شام کے اوقات میں سڑکوں پر آمدورفت کم نظرآرہی ہے اور رات ۱۰؍بجے کے بعد شہر کی سڑکیں سنسان نظرآرہی ہیں ۔ ناندیڑ پربھنی ، عثمان آباد ، ناگپور میں سردی بڑھ چکی ہے ۔ موسم کے ماہرین بتارہے ہیں کہ آئندہ دنوں ناندیڑ میں مزید سردی بڑھ سکتی ہے ۔